Преглед на остварените резултати од работењето

Потпирајќи се врз долгогодишното искуство на Групацијата Триглав во процесите на управување со финансиски средства, инвестициите за пензискиот фонд ги одбираме по строго дефинирани правила и утврдена инвестициона стратегија. Нашата цел е да остваруваме високи приноси, единствено во полза на осигурениците и идните пензионери, водејќи при тоа сметка да ги минимизираме ризиците од можни загуби.

Пензиските заштеди на осигурениците се депонирани во специјализирана и лиценцирана банка чувар, чија задача е средствата да ги чува безбедни и да врши редовна проверка на усогласеноста на портфолиото на пензискиот фонд со инвестициските ограничувања во законската регулатива.